Ukrain
D’ADR verurteelt kloer an däitlech
den russeschen Ugrëff op d’Ukrain.

Onkloerheet bei de Remboursementer vu militärescher Hëllef un d’Ukrain
D’EU-Länner déi d’Ukrain mat militärescher Hëllef ënnerstëtzt hunn, kënnen duerch d’EPF (d’”European Peace Facility”) een Deel rembourséiert kréien. D’EPF ass e gemeinsame Fong zu deem

Ukrainesch Flüchtlinge mat Hausdéieren
Ass eng national Léisung fir ukrainesch Flüchtlinge mat Déiere virgesinn?

Wéi ëmgoe mam Krich an der Ukrain?
Am Kader vum Joresdag vum Krich an der Ukrain, huet RTL de politesche Parteien e puer Froe gestallt. Liest hei der ADR hir Äntwerten: Wéi

Hëllef vum Kulturministère fir ukrainesch Kënschtler
Vill ukrainesch Kënschtler sinn trotz Krich an hirem Land bliwwen.

Perspektiv fir ethnesch Minoritéiten an der Ukrain?
De Konflikt duerch Verséinung léisen
Resolutioun
Den ADR Nationalkongress ass
– sech bewosst, datt d’Ukrain en Deel vun der europäescher Famill ass;
– déif betraff iwwert déi dramatesch Situatioun an der Ukrain;
– solidaresch mam ukrainesche Vollek an der Nout;
– dorëm beméit, d’Ukrain un d’Europäesch Unioun erunzeféieren;
– an der Hoffnung, déi bilateral Relatioune mat der Ukrain laangfristeg ze stäerken;
– am Wonsch, kënnen humanitär a friddensstëftend Initiativen ze ënnerstëtzen;
begréisst
– déi enorm Solidaritéit mat den ukrainesche Flüchtlingen, a seet alle Leit Merci, déi esou Leit ophuelen oder sech fir si asetzen;
betount
– datt d’ADR déi Moossnamen ausdrécklech ënnerstëtzt, déi den Ukrainer hei am Land solle Schutz a Sécherheet ginn;
decidéiert
sech op nationalem Plang dofir anzesetzen, datt
– all Friddensofkommes, Waffestëllstandsofkommes, oder humanitär Reegelungen tëscht de krichsféierende Parteie mat aller Kraaft ënnerstëtzt gëtt, inklusiv, wann dat sollt méiglech sinn, am Kader vun enger militärescher Friddensmissioun;
– d’Ukrain op bilateralem Plang politesch a wirtschaftlech ënnerstëtzt gëtt;
– op diplomateschem Plang eng resident Ambassade zu Kiew opgemaach gëtt, esou séier ewéi d’Situatioun et erlaabt;
– am Staatsbudget 2023 e „Fonds de reconstruction” fir d’Ukrain ageriicht a mat 100 Milliounen Euro dotéiert gëtt;
– op bilateralem Niveau Projete fir d’Eruféiere vun der Ukrain un d’EU an Héicht vu 25 Milliounen Euro ënnerstëtzt ginn;
– an Zesummenaarbecht mat internationalen humanitären Organisatiounen, humanitär Projeten an der Ukrain identifizéiert a grousszügeg ënnerstëtzt ginn;
– iwwert déi nächst 10 Joer all Joer Studenteboursse fir ukrainesch Staatsbierger ageriicht ginn, déi et jonke Leit erlaben, zu Lëtzebuerg ze wunnen, ze liewen an ze studéieren;
– Leit aus der Ukrain, déi medezinesch Hëllef brauchen, wa méiglech, kënnen op Lëtzebuerg transferéiert ginn, fir hei behandelt ze ginn;
– de Projet vun engem nationale Militärspidol séier ëmgesat gëtt;
sech op nationalem an op europäeschem Plang, och am Kader vun der ECR (European Conservatives and Reformists),
dofir anzesetzen, datt
– eng Kandidatur vun der Ukrain fir Member an der EU ze ginn ka séier ënnersicht a Bäitrëttsverhandlunge virbereet ginn;
– e Bäitrëtt vun der Ukrain an d’EU méiglech gëtt, esoubal d’Ukrain all d’Kopenhagener Krittären erfëllt an d’Verhandlungen ofgeschloss sinn.
Réiser, den 20. Mäerz 2021