20 Fuerderunge vun der ADR

Méi Transparenz

• Voll Transparenz bei den Impf-Nieweschied, kloer a fir d’Doktere remuneréiert Prozedure fir Impfschied ze mellen, Ariichte vun engem Fong fir d’Indemniséierung vun de Victime. Séier an onkomplizéiert Unerkennung vun den Affer vun der Impfung a séier an ugemoossen Entschiedegungen. 
• Komplett Opklärung iwwert de Rôle vun der EU-Kommissioun an der EMA.
• Méi Transparenz bei den Doudesursaachen.
• Eng onofhängeg Ënnersichungskommissioun déi de kompletten Accès op all Dokumenter a Statistike muss hunn.

Legislativ Moossnamen

• Definitiv Annulatioun vum geplangte Gesetzesprojet iwwer d’Impfflicht “obligation vaccinale”; offiziell Erklärung zum Enn vun der Pandemie.
• Eng effizient a séier Prozedur fir Asprochsméiglechkeete géint Reglementer am Noutstand.
• E Pandemiegesetz am Respekt vun de Grondfräiheete vum Mënsch.
• Voll Reesfräiheet – Faleloosse vum QR-Code an digitalen Impfzertifikater.
• Keen Transfert u Kompetenzen un d’EU oder d’OMS(WHO)
• Ofschafe vun der COVID-Impfflicht an der Arméi.
• Sozial Ofsécherung vun den Indépendants.
• Remboursementer vun alle Protokoller, z.B. wéinst Verstéiss géint de Couvre-feu oder d’Obligatioun eng Mask unzedoen. Indemniséierung vu Leit déi wéinst der 2G Politik hir Aarbecht verluer hunn.

Medezinesche Secteur

• Schluss mam Drock op d’Dokteren a Stäerkung vun eisem Gesondheetssystem.
• Psychologesch Konsequenze vun der Kris opfänken.

Politesch Mossnamen

• Entschëllegung vun deene Politiker déi Impfskeptiker beleedegt hunn.
• Léiere fir Zukunft: méi Toleranz a méi e respektvollen Ëmgang mateneen.
• Méi Resilienz fir de Krisefall a Reserven u wichtege Gidder um nationale Plang.
• Realisteschen Ëmgang mat nationale Grenzen. Noutwennegkeet fir bilateral Accorden ofzeschléissen.
• D’Berodung vun der Regierung däerf net nëmmen duerch ee Grupp vu Leit, wéi z.B. Infektiologen oder Epidemiologe gemaach ginn.
• Reindustrialiséierung, ekonomesch Diversifizéierung a méi Onofhängegkeet vun Drëttstaaten.