Als laangjäreg Presidentin vum Daachverband vun den Elterevereenegungen (FAPEL), huet d’ADR-Vizepresidentin vum Südbezierk, Michèle Retter, de 6. Juli op RTL an 100,7 Positioun zur aktueller Schoulpolitik geholl:
Zwee Themen: Schoul am allgemengen an déi vill Verschlimmbesserungen, déi se muss iwwer sech ergoe loossen, awer och déi héich Zuel vu Kanner, déi Joer fir Joer d’Bengele bei d’Tromm geheien an decouragéiert mat der Schoul ophalen, ouni en Diplom an der Täsch ze hunn. Kanner, déi ënner deenen Ëmstänn kaum Chancen hunn, jee hei am Land eng geregelt Aarbecht ze fannen.