Och wa Sproochstéierunge eréischt kënnen no e puer Joer erkannt ginn, ass de Remboursement vun deene Behandlungen net evident, wann d’Kand méi wéi 7 Joer huet. Eng parlamentaresch Fro vum Fernand Kartheiser probéiert, Kloerheet an därer Saach ze bréngen an de concernéierten Elteren ze hëllefen. Heirops ginn d’Ministere Romain Schneider (Sozial Sécherheet) a Claude Meisch (Schoul) eng ganz ausféierlech Äntwert.