Säit 2020 goufe 780 nei Polizisten agestallt. De Fernand Kartheiser huet dozou e puer Froen un de Police-Minister:
Fro:
Op enger Pressekonferenz huet den Här Minister den 21. September 2023 betount, datt zanter 2020 insgesamt 780 Leit bei der Police agestallt goufen. Fir d’nächst Joer, sou sot den Här Minister, ass virgesinn, 160 weider Persounen ze rekrutéieren an ze forméieren.
An deem Zesummenhank hunn ech folgend Froen un den Här Minister:
- Kann den Här Minister déi 780 rekrutéiert Persounen opglidderen no Alter, Ofschlossdiplom, Geschlecht, sportlechem Niveau a linguistesche Kenntnesser, déi iwwer eis dräi Verwaltungssproochen erausginn?
- Wat de sportlechen Niveau ugeet, deen erfuerderlech ass, fir bei der Police opgeholl ze ginn: Wéi verhält sech deen am Verglach zum sportlechen Niveau, dee fir d’Opnam an d’Arméi verlaangt gëtt?