Gewerkschaftsfräiheet beim Ëffentlechen Déngscht: D’Chamber gëtt aktiv

print

Opreegung gouf et bei der Lëtzebuerger Arméi, well de President vun der Arméigewerkschaft SPAL (Syndicat Professionnel de l’Armée Luxembourgeoise), Christian Schleck, ënnert anerem wéinst senge gewerkschaftlechen Aktivitéiten eng aner Plaz soll kréien.

Op Initiativ vum Fernand Kartheiser huet d’ADR elo eng gemeinsam Sëtzung vun der Verdeedegungskommissioun an der Kommissioun vum ëffentlechen Déngscht ugefrot, fir gewuer ze ginn, wat d’Hannergrënn an d’Ziler vun dëser Affär sinn an iwwert dee Virfall ze beroden. Well eng Affär ass et, wa Gewerkschaftsvertrieder wéinst hiren Aktivitéiten Drock am Beruff kréien.

De Christian Schleck ass aktuell zoustänneg fir d’Relatioune mat der Press, d’Reklamm a fir d’Bild, wat d’Arméi gëtt. Ee Grond, firwat et Opreegung gouf, ass deen, datt de Christian Schleck dëst kuerz virun der Generalversammlung vun der SPAL matgedeelt krut … fir hien ze destabiliséieren, wéi d’SPFP (Syndicat des Professionnels de la Force Publique), déi de Christian Schleck an engem Kommunikee verdeedegt schreift.

Unsere Website verwendet Cookies, die es möglich machen, Nutzer bezogene Informationen zu speichern, während er die Website nutzt. Cookies helfen uns, unser Angebot kundenfreundlicher zu gestalten.  Weitere Informationen Des Weiteren verwendet unsere Website Google Analytics, einen Webanalysedienst von Google Inc. Dieses ermöglicht uns eine Analyse der Nutzung unseres Websiteangebotes um es besser zu gestalten. Wenn Sie dies nicht wünschen, klicken Sie folgenden Link. Analytics deaktivieren.