De Fernand Kartheiser huet en Donneschdeg, den 20. November 2014, an der Chamber e puer Punkten aus dem Finanzementssplang fir grouss Infrastrukture kommentéiert.
Wat d’Kasären um Härebierg betrëfft, huet den ADR-Deputéierte betount, datt och de Respekt virun den Zaldoten et verlaangt, dat dëst iwwert propper a funktionell Infrastrukture verfüge kënnen. D’Soumissioun muss hei esou ugeluecht ginn, datt d’Renovatioun vun de Kasären och en Infrastrukturprojet fir den Norden duerstellt.
D’Regierung gesäit en „energeteschen Assainissement“ vum Hémicycle um Kierchbierg fir. Do fuerdert de Fernand Kartheiser, vill méi wäit ze denken: de „klénge Kueb“ muss valoriséiert ginn, den ADR-Deputéierte verlaangt e modernen an zäitgeméisse Konzept.
Bei den noutwennege Renovatiounen am Suessemer Schlass an an der Weilerbaach leet de Fernand Kartheiser der Regierung un d’Häerz, och hei e Gesamtplang an d’Aen ze faasse fir den Accueil vun den Leit déi Asyl ufroe besser meeschter ze ginn, och wat d’Aschoulung vun dëse Kanner ubelaangt.