Et ass eng Verflichtung fir e Land wéi Lëtzebuerg, ëmmer och no deene méi schwaachen, kranken oder vulnerabele Matbierger ze kucken. An deem Sënn begréisst de Gast Gibéryen a senger Interventioun vum 25. Juli d’Gesetz, wat d’Konditioune fir Leit, déi méi laang krank sinn, nei reegelt. Den ADR-Deputéierte plädéiert dofir, datt et och fir déi Leit en Auswee muss ginn, déi och no engem laange Krankeschäin net amstand sinn, ze schaffen; dëst a Form vun der Invaliderent. D’Finanzéierung fir esou e wichtege Projet muss fir de Staat Prioritéit hunn, ouni d’Patronat dobäi iwwerméisseg ze belaaschten. De Wäert vun enger Gesellschaft léisst sech doru moossen, wéi dës Gesellschaft mat hire Schwächsten ëmgeet.