D’Lëtzebuerger Associatioun “Trisomie 21” schwätzt vun enger “desastréiser Situatioun”, mat där Léit mat enger geeschteger Behënnerung konfrontéiert sinn. Grond fir d’Onzefriddenheet si laang Waardelëschte fir Wunn- an Aarbechtsméiglechkeeten, déi op déi spezifesch Besoine vun deene Léit adaptéiert sinn. Vu datt haaptsächlech de Staat dës Projete subventionéiert, steet d’Regierung hei och an der Haaptverantwortung. Den ADR-Deputéierte Fernand Kartheiser stellt an deem Kontext eng Rei u pertinente Froen, wéi d’Regierung gedenkt op dës Mëssstänn ze reagéieren.

An der Äntwert muss d’Regierung zouginn, datt e puer honnert Leit mat Behënnerungen op Waardelëschte stinn, dobäi och eng ganz Rei Fäll déi als dréngend agestuuft sinn.