Viru puer Méint hat den däitsche Bundestag eng bemierkenswäert Resolutioun géint Antisemitismus gestëmmt. Aus aktuellem Ulass huet de Fred Keup dozou e puer Froen un eisen Ausseminister.
Fro:
An der “Antisemitismus-Resolutioun” vum däitsche Bundestag mam Titel “Nie wieder ist jetzt: Jüdisches Leben in Deutschland schützen, bewahren und stärken”, déi am November 2024 vum däitsche Parlament ugeholl gouf, gëtt eng Null-Toleranz-Politik géintiwwer antisemiteschen Ausschreitungen an eisem Nopeschland gefuerdert. An där Resolutioun heescht et:“Der Deutsche Bundestag bekräftigt seinen Beschluss, dass sicherzustellen ist, dass keine Organisationen und Projekte finanziell gefördert werden, die Antisemitismus verbreiten, das Existenzrecht Israels in Frage stellen, die zum Boykott Israels aufrufen oder die die BDS-Bewegung aktiv unterstützen.”
D’Beweegung “Boycott, Divestment and Sanctions” (englesch fir “Boykott, Desinvestitioun a Sanktiounen”, kuerz BDS) ass eng transnational politesch Campagne, déi de Staat Israel wirtschaftlech, kulturell a politesch isoléiere wëll.
D’CSU-Deputéiert Andrea Lindholz sot zu dëser Resolutioun: “Wir dürfen nicht zusehen, wie sich hier ein neuer Antisemitismus breitmacht und nach und nach die Verantwortung Deutschlands für Jüdinnen und Juden in Deutschland und das Existenzrecht Israels relativiert. (…) Wer in unser Land kommt und hier leben will, muss Verantwortung für die Juden und das Existenzrecht Israels ohne Wenn und Aber akzeptieren oder muss unser Land verlassen.”
An deem Kontext hunn ech follgend Froen un den Här Ausseminister:
- Wéi steet den Här Ausseminister zur Ausso aus der Antisemitismus-Resolutioun vum Bundestag, “dass sicherzustellen ist, dass keine Organisationen und Projekte finanziell gefördert werden, die Antisemitismus verbreiten, das Existenzrecht Israels in Frage stellen, die zum Boykott Israels aufrufen oder die die BDS-Bewegung aktiv unterstützen”, dat besonnesch am Hibléck op den 80. Joresdag vum Enn vum Zweete Weltkrich?
- Wéi steet den Här Ausseminister zur Ausso vun der CSU-Deputéiert Andrea Lindholz “Wer in unser Land kommt und hier leben will, muss Verantwortung für die Juden und das Existenzrecht Israels ohne Wenn und Aber akzeptieren oder muss unser Land verlassen”?