D’Iwwerschwemmunge vum 15. Juli 2021 hunn d’Bevëlkerung vun eisem Land schockéiert a viru grouss Erausfuerderunge gestallt. All d’Beräicher vum ëffentleche Liewe sinn duerch dës Katastroph impaktéiert ginn. Wärend an Däitschland d’Bundeswehr Dosende vu Gemenge mat Panzeren, Helikopteren, Camionen, Ambulanzen an Drénkwaasseropbereedungsanlagen, virun allem awer mat iwwer 1000 Zaldote gehollef huet, fir d’Katastroph ënner Kontroll ze bréngen, ginn et hei am Land nach keng kloer Donnéeën, wat d’Hëllef vun eiser Arméi an dëser Situatioun ugeet. Wéi genau huet dës Hëllef ausgesinn?