No der Baussepolitescher Deklaratioun vum Jean Asselborn, den 21. Mäerz, war et den 22. Mäerz un der Chamber, dem Bausseminister ze äntweren. De Fernand Kartheiser huet u ville Beispiller gewisen, wéi naiv, eesäiteg a stillos d’Lëtzebuerger Baussepolitik ass. An de Jean Asselborn huet mat villen Ënnerbriechunge vun dëser Ried gewisen, wéi stillos hie wierklech ass. Dem Sunnyboy vun de Sondagen an däitsche Fernsehstar, dee mengt, alle Länner an der EU an op der Welt kënne Lektiounen ze ginn, seng Nerve sinn op alle Fall zimlech ugespaant.
De Fernand Kartheiser huet besonnesch Länner a Kriseregiounen wéi Syrien, de Noen Osten, Russland an och d’Situatioun an der EU ugeschwat.
CSV a Gambia fir weider Bäitrëttsverhandlunge mat der Tierkei
Wat d’Tierkei ugeet huet hien nees eng Motioun abruecht, an där vun der Regierung gefuerdert gëtt, derfir ze suergen, datt op europäeschem Niveau d’Bäitrëttsverhandlunge mat der Tierkei ofgebrach ginn an datt d’Land eng “privilegéiert Partnerschaft” ugebuede kritt. Déi Motioun ass an der Chamber verworf ginn an huet just déi dräi Stëmme vun der ADR kritt. D’CSV ass also fir en Ofbrieche vun de Bäitrëttsverhandlungen mat der Tierkei, wéi de Laurent Mosar un der Chamberstribün haart ugekënnegt huet, mä si stëmmt géint eng Motioun, déi de Ofbroch vun dëse Verhandlungen mat der Tierkei fuerdert. Dat mam fadenscheinegen Argument, datt déi Verhandlungen de facto ënnerbrach wären. Awer ofbriechen wëllen déi véier Parteie si net. CSV-Wischiwaschi eben, nom Referendumsmotto: Gitt gutt informéiert an d’Walkabin.
De PDF vun der Motioun ass hei.
- Fondéiert a sachlech Ried vum Fernand Kartheiser zur Lëtzebuerger Baussepolitik (Video, 19’19”)
- Wat d’Unerkennung vu Palästina ouni Verhandlungsléisung mat Israel ugeet (Video, 2’16)
- D’Gefor vum Populismus and d’Responsabilitéit vun europäeschen Defiziter (Video, 1’19”)
- E Bausseminister ouni Stil, deen ënnerbrécht amplaz ze lauschteren … (Video, 5’48”)
- Flüchtlingspolitik, richteg an esou, wéi den Här Asselborn si gesäit (Video, 1’49”)
- D’lescht Wuert (Parole après ministre): De Fernand Kartheiser erkläert dem Jean Asselborn seng Eesäitegkeet (Video, 4’18”)