Post: Chaos beim Verdeele vum Courrier!

print

D‘Post ass dru gehale fir Bréiwer bannent dräi Deeg zouzestellen. De Moment ass et awer esou datt et hei am Land deels massiv Problemer bei der Zoustellung vun der Bréifpost gëtt an et zu ville Retarde kënnt. Leit aus dem Stater Quartier Hamm hunn sech souguer beschwéiert datt bei hinne schonn deeglaang kee Bréifdréier méi passéiert ass an si deemno iwwerhaapt keng Post an d’Boite kruten.Op Nofro hin, beim Service vun de Reklamatioune, war et effektiv d’Confirmatioun datt aktuell Problemer bei der Distributioun vum Courrier bestinn. Dat géif dorunner leien datt vill Bréifdréier am Congé sinn a vu Studenten ersat ginn déi manner routinéiert wieren, esou huet de Mann um Telefon dat erkläert. Wann een da via Telefon e spezifescht Renseignement iwwer „Post Finance“ freet, leeft do e Band wou d’Post sech entschëllegt datt et zu Verspéidunge beim heemschécke vun de Konto-Extraite kënnt. D’Bréifpost ass a bleift e wichtegen Zerwiss, a vill Leit si grad bei offizielle Schreiwen, un déi dacks Delaie geknäppt sinn, drop ugewisen.

 

Unsere Website verwendet Cookies, die es möglich machen, Nutzer bezogene Informationen zu speichern, während er die Website nutzt. Cookies helfen uns, unser Angebot kundenfreundlicher zu gestalten.  Weitere Informationen Des Weiteren verwendet unsere Website Google Analytics, einen Webanalysedienst von Google Inc. Dieses ermöglicht uns eine Analyse der Nutzung unseres Websiteangebotes um es besser zu gestalten. Wenn Sie dies nicht wünschen, klicken Sie folgenden Link. Analytics deaktivieren.