D’ADR bedauert staark datt sech d’Logementskris am Land weider verschäerft huet, dofir si mir der Meenung datt d’Regierung méi wéi jee dréngend handele muss! Et musse weider nei Mesüren hier, déi dann zügeg mussen ëmgesat ginn. Am Kader vun enger Interpellatioun an der Chamber huet d’Ost-Deputéiert Alexandra Schoos e puer konkret Proposë virgestallt wéi d’Wunnen hei am Land nees méi abordabel gëtt. E puer ADR-Proposen erausgepickt: Beim Bau mussen d‘Klima- an d’Energienormen iwwerschafft ginn! TVA op de Locatiounswunnengen nees erofzesetzen! Ännerung am Droit Civil a Punkto Eegebedarf a Kontrakter op limitéiert Zäit! Portage foncier amplaz vum Bail emphytéotique!