Déi entspriechend Zuele fir Lëtzebuerg an d’Entwécklung vun dësen Zuelen, déi an Däitschland fir Polemik suergen, sinn och bestëmmt fir eis eng wichteg Donnée?
Vir do méi gewuer ze gi stellen déi honorabelen Deputéierte Fred Keup an Tom Weidig dem Här Ausseminister, dem Här Inneminister an der Madamm Justizminister déi follgend parlamentaresch Fro.
Här President,
esou wéi d’Chambersreglement et virgesäit, biede mir Iech, dës parlamentaresch Fro un d’Hären Aussen- an Inneminister wéi och un d’Madamm Justizminister weiderzeleeden.
An Däitschland goufen et Enn 2024 net manner wéi 178.500 „Ausreisepflichtige“. Do kommen dann nach eng Kéier 42.300 „unmittelbar Ausreisepflichtige“, déi d’Land verloosse mussen, derbäi.
An deem Zesummenhang géife mir der Regierung gär dës Froe stellen:
- Wéi sinn déi entspriechend Zuele fir Lëtzebuerg?
- Wéi hunn déi Zuelen sech an deene leschten zéng Joer entwéckelt?
- Wéi ass den offizielle Begrëff zu Lëtzebuerg fir de sougenannten „Ausreisepflichtigen“, a wéi gëtt dëse Status hei definéiert?
- Wéi ass den offizielle Begrëff zu Lëtzebuerg fir de sougenannten „unmittelbar Ausreisepflichtigen“, a wéi gëtt dëse Status hei definéiert?
Mat déiwem Respekt,
Tom Weidig Fred Keup
Deputéierten Deputéierten