D’Corona-Pandemie stellt Lëtzebuerg op eng haart Prouf – och wat déi medezinesch Versuergung ugeet. Dem Fernand Kartheiser ass et wichteg, datt aus dëser Kris déi richteg Léiere gezu ginn. An engem offizielle Schreiwes un déi concernéiert politesch Akteueren gëtt den ADR-Deputéierten dann och den Ustouss, fir d’Militärmedezin zu Lëtzebuerg auszebauen. Hei kënnt dann och erëm d’Iddi vum Militärspidol an d’Spill – eng Iddi, där d’ADR schonn zënter laangem positiv géintiwwer steet.