AECR–Comitéssëtzung: d’Famill vun de Konservativen a Reformiste wiisst!

print

Vum 9. bis den 12. Mee 2013 war de Comité vun der AECR (Allianz vun den Europäesche Konservativen a Reformisten) an Island zesummen. Déi Reunioun huet confirméiert, datt d’AECR, den Daachverband vun de konservativen a Reform-Parteien, den eenzege pan-europäesche Parteieverband ass, deen net nëmme wiisst, mee och nach ganz séier méi grouss a méi staark gëtt.

An Island hunn eng griichesch, eng rumänesch an eng Partei vun de Färöer Inselen offiziell hir Kandidatur fir eng Memberschaft gestallt. Eng aner, grouss Partei aus dem europäesche Raum ass sech och der AECR virstelle komm.

D’Konferenz selwer huet sech mat Theme wéi der transatlantescher Zesummenaarbecht, der Situatioun vum islännesche Finanzsecteur, der europäescher Energiepolitik, dem Kampf géint d’Korruptioun an nach aneren, aktuelle Sujete beschäftegt.

Aus Lëtzebuerger Siicht war et besonnesch positiv fir kënne festzestellen, datt den AECR-Tresorier, den ADR-Vizepresident Roy Reding, eestëmmeg zum Compliance officer vun der AECR ernannt gouf.

D’ADR war op der Konferenz duerch den Deputéierte Fernand Kartheiser vertrueden.

Unsere Website verwendet Cookies, die es möglich machen, Nutzer bezogene Informationen zu speichern, während er die Website nutzt. Cookies helfen uns, unser Angebot kundenfreundlicher zu gestalten.  Weitere Informationen Des Weiteren verwendet unsere Website Google Analytics, einen Webanalysedienst von Google Inc. Dieses ermöglicht uns eine Analyse der Nutzung unseres Websiteangebotes um es besser zu gestalten. Wenn Sie dies nicht wünschen, klicken Sie folgenden Link. Analytics deaktivieren.