Den Dossier vum Käerjenger Contournement schleeft a schleeft, ma de Verkéier zu Käerjeng hëlt weider zou! De Fernand Kartheiser freet am Kader vun enger parlamentarescher Fro bei der Regierung no:
Informatiounen aus der Press no soll et am Dossier Käerjenger Contournement nees zu neie Retarde kommen. Den Ëmweltministère hätt weider Detailer gefrot.
Dowéinst wollt ech der Regierung dës Froe stellen:
- Wéi eng Delaie si realistesch fir den Dossier am Ëmweltministère ofzeschléissen? Geet et just nach ëm Kompenséierungsmoossnamen oder wéi eng Aspekter missten nach gekläert ginn?
- Wéi en Delai ass realistesch fir d’Gespréicher iwwer d‘Verleeë vum Standuert vun enger Firma, där hiren Terrain fir de Bau géif gebrauch ginn?
- Wéi en Delai gesäit d’Regierung elo vir am Hibléck op den Ufank vun de Bauaarbechten um Käerjenger Contournement?
Mat déiwem Respekt,
Fernand Kartheiser