Ass am Raum Stengefort-Garnich eng Bauschuttdeponie geplangt a falls jo, wéi een Impakt hätt dës op d’Bierger an hir Liewensqualitéit. Dat wëll de Fred Keup vum Ëmweltminister gewuer ginn:
Här President,
esou wéi d’Chambersreglement et virgesäit, bieden ech Iech, dës parlamentaresch Fro un den Här Ëmweltminister weiderzeleeden.
No mengen Informatiounen ass am Raum Stengefort-Garnich eng Bauschuttdeponie geplangt.
An deem Zesummenhang géif ech dem Här Ëmweltminister gär dës Fro stellen:
- Kann den Här Minister déi Informatioun bestätegen?
- Falls jo, kann den Här Minister Detailer dozou ginn, ënnert anerem zu den Auswierkungen op de Verkéier an d’Natur an déi domat verbonnen Liewensqualitéit vun den Awunner aus der Regioun?