Här Buergermeeschter, huelt äert Mandat eescht!

print

Buergermeeschter vun der drëttgréisster Gemeng am Land, Fraktiounspresident an der Chamber a Parteipresident: Kann eng Persoun eleng dës dräi Mandater seriéis ausfëllen?

D‘ADR Déifferdéng fuerdert de Claude Meisch op, op eent vun sénge politesche Mandater ze verzichten. Souwuel d‘Mandat als Deputéierten/Fraktiounspresident an der Chamber wéi de Posten als Buergermeeschter vun Déifferdéng si Vollzäitplazen, besonnesch wann een dës wichteg politesch Mandater eescht hëllt. Och eng Partei ze féiere bedéngt e permanenten Asaz.

Bekanntlech huet d’DP sech fir de Verbuet vum Mandate-Cumul ausgeschwat. Wann de Claude Meisch elo net bereet ass, op ee vun deenen zwee Posten ze verzichten, da beweist en domatt als DP-President, datt d’Zoustëmmung vun der DP fir d’Ofschafe vum Cumul just waarm Loft a renge Populismus war.

D’ADR Déifferdéng erwaart eng konsequent Decisioun vum „député-maire“ Claude Meisch, bei däer d’Interessie vun onser Gemeng net ënnert d’Rieder kommen.

Sektioun Déifferdeng: Pressematdeeleng vum 16. November 2011

Unsere Website verwendet Cookies, die es möglich machen, Nutzer bezogene Informationen zu speichern, während er die Website nutzt. Cookies helfen uns, unser Angebot kundenfreundlicher zu gestalten.  Weitere Informationen Des Weiteren verwendet unsere Website Google Analytics, einen Webanalysedienst von Google Inc. Dieses ermöglicht uns eine Analyse der Nutzung unseres Websiteangebotes um es besser zu gestalten. Wenn Sie dies nicht wünschen, klicken Sie folgenden Link. Analytics deaktivieren.