Communiqué vun den ADR Fraen zum Europadag

print

Dëse WE gëtt den Europadag gefeiert.  Dës Deeg am Mee markéieren net nëmmen d’Victoire vun den Alliéierten am Zweete Weltkrich mee speziell den 9. Mee ass och den Dag vun der Schuman-Deklaratioun, déi an der Reconciliatioun nom Krich esou eng wichteg Roll gespillt huet. Zu Lëtzebuerg ass den Dag zu engem offizielle Feierdag gemaach ginn, wat eng bestëmmte Politik zu Gonschte vun engem europäesche Federalstaat soll promouvéieren.

Och fir d’ADR Fraen ass Europa e wichtegt Uleies. Mir wëllen en Europa vun de Wäerter, dat sech och zu senge reliéise Wuerzele bekennt.

An dem Sënn sinn d’ADR-Fraen si fir e mobile Feierdag an net fir e feste Feierdag, den op de 9. Mee fixéiert ass. Esou kéinten d’Leit zum Beispill wielen, ob si net léiwer wéilten um Péngschtdënschdeg fräi hunn fir kënnen op d’Sprangprëssessioun ze goen an domat dës wichteg reliéis Traditioun,   déi och e Weltkulturierwe vun der UNESCO ass, ze éieren an ze fleegen.

Als ADR – Fraen sti mir net fir en europäesche Federalstaat mee fir en Europa vun de Natiounen an dem d’Länner hir Identitéit, hir Kultur a Souveränitéit kënne behalen.    

Mir wëllen en Europa an dem all europäesch Staate respektéiert ginn an als Partner gëllen, och Russland.

Mir wëllen en Europa an dem déi europäesch Institutiounen am Déngscht vun de Memberstaate stinn an net ëmgekéiert!

An dem Sënn, wënschen d’ADR-Fraen Iech e schéine Feierdag!

Matgedeelt vun den ADR Fraen

8.5.2020

Unsere Website verwendet Cookies, die es möglich machen, Nutzer bezogene Informationen zu speichern, während er die Website nutzt. Cookies helfen uns, unser Angebot kundenfreundlicher zu gestalten.  Weitere Informationen Des Weiteren verwendet unsere Website Google Analytics, einen Webanalysedienst von Google Inc. Dieses ermöglicht uns eine Analyse der Nutzung unseres Websiteangebotes um es besser zu gestalten. Wenn Sie dies nicht wünschen, klicken Sie folgenden Link. Analytics deaktivieren.