D’ADR huet ëmmer gewarnt, fir Griicheland mordikus wëllen am Euro ze halen. Dat wär e Faass ouni Buedem. An d’ADR huet Recht behalen. Mat schaarfe Wierder huet de Gast Gibéryen den 1. Juli an der Chamber déi Responsabel fir d’Griicheland-Kris kritiséiert: D’Land selwer, dat iwwer seng Verhältnisser gelieft huet, an d’EU, déi zënter 5 Joer dat Faass ouni Buedem fidderen an d’Land an den Euro geholl hunn, obwuel et d’Konditiounen net erfëllt huet.
Am eenzelne kritiséiert den ADR-Deputéierten
- d’EU well se Griicheland iwwerhaapt den Euro ginn huet,
- Rettungspläng, déi just do waren, fir europäesch Banken ze retten,
- eng Spuerpolitik um Bockel vum klenge Bierger.
De Gast Gibéryen huet bedauert, datt och Lëtzebuerger, déi net um Griicheland-Fiasko schold sinn, vill fir d’Kris musse bezuelen. Hei dem Gast Gibéryen seng Konklusioune mat der Fuerderung no engem Grexit (aus dem Euro).