Wéi ze erwaarden ass de 9. Februar an der Chamber de Wielerwëlle vun alle Parteien ausser der ADR mat Féiss getrëppelt ginn. Nodeems 2015 am Referendum d’Lëtzebuerger eng kloer Sprooch geschwat hunn, wat d’Bedeelegung vu Nët-Lëtzebuerger bei eise Nationalwalen ugeet, huet d’Regierung elo d’Hannerdiir op gemaach. Et däerf eben elo jidferee Lëtzebuerger ginn (an domat wiele goen), ob hien eis Sprooch kann oder net. An dat Spillche spillt déi gréisst Oppositiounspartei, d’CSV, monter matt.
De Roy Reding, dee fir d’ADR geschwat huet, ass sech sécher: Ouni eng méi wéi wëlleg CSV wär am neie Nationalitéitegesetz de Sproocheniveau net op e lächerleche Minimum erofgesat ginn. An ëmgedréint och: Mat engem Bäibehale vum Sproocheniveau op deem fréieren, och net grad usprochsvollen Niveau, hätt d’ADR d’Nationalitéitegesetz kéinte matstëmmen.
Esou huet d’ADR als eenzeg Partei géint dat Gesetz gestëmmt an domat nach eemol bewisen, datt si hiert Wuert hält, an datt hieren “3 x Nee” beim Referendum vun 2015 och esou gemengt war. Esou huet d’Chamber déi aacht ADR-Amendementer zum Nationalitéitegesetz ënnert den Dësch gestëmmt, déi de Roy Reding nach eng Kéier abruecht hat, fir eise Standpunkt duerchzesetzen. An esou huet d’CSV nach eng Kéier bewisen, datt si am léiwsten all Unfug vu Gambia matmaachen an och mat an där Regierung sëtzen. Dat seet och den CSV-Spëtzekandidat.
Dem Roy Reding seng Argumenter der Rei no:
- Wielerwëllen net respektéiert!
- D’CSV ass ageknéckt!
- Firwat ass d’Sprooch wichteg?
- De Wäert vun der Sprooch, de Wee vun der Integratioun …
- Eng Frechheet virun de Wieler …
- CSV als Haaptschëllegen!